WajigaHore

Wasaaradda Waxbarashada oo soo bandhigtay manhajka Waxbarashada Dugsiyada Hoose

Munaasabada oo ay soo qaban-qaabisay Wasaaradda Waxbarashada oo lagu soo bandhigay manhajka Waxbarashada Dugsiyada Hoose ee dalka gaar ahaan fasalada 1aad iyo 4aad ayaa waxaa ka soo qeybgalay Guddoomiyaha Aqalka Sare, Wasiirro, xildhibaanno, Aqaanyahanno, Culima’udiin iyo martisharaf kale.

Faadumo Maxamed Cali oo ka mid ah guddiga madaxa-bannaan ee diyaarinta manjajka heer Qaran ayaa ka sheekeysay marxaladihii kala duwanaa ee uu soo maray manhajka iyo dadaalka dheer oo ay wasaaradda iyo guddigu intaba ku bixiyeen, waxaana ay sheegtay in ay go’am tahay Wasaaradda iyo Guddiga in la helo manhaj Soomaaliyeed oo wax lagu baro carruurta Soomaaliyeed.

Guddoomiyaha Golaha Aqalka sare Cabdi Xaanshi Cabdullaahi oo ka hadlay munaasbaada ayaa sheegay in talllabadan ay qaaday Wasaaradda Waxbarashada ay bilow wanaagsan u noqon karto in la helo

manhaj Soomaliyeed, isaga oo dhinaca kale gaar ahaan Wasaarrada ka codsaday in la helo qoraal afka Soomaaliga ah oo mideysan, madaama ayuu yiri lagu kala duwanaan karo dhinaca lahjadaha.

Wasiirka Wasaaradda Waxbarashada Hidaha iyo Tacliinta sare ee dowladda Soomaliya Cabdiraxmaan Daahir Cismaan oo khudbad ka jeediyay munaasabada ayaa yiri ‘’ “Sharaf weyn ayeey inoo tahay in aan maanta daah furno manhajka waxbarashada Qaranka oo aad muhiim ugu ah mustaqbalka dalka iyo xaaladda maanta lagu jiro, waxaan dadaal xoog leh gelinay sidii loo heli lahaa manhaj Soomaaliyeed oo mideysan, si loo soo saaro ubad Soomaaliyeed oo isku feker ah, isku dhaqan ah, isku aragti ah, isku damqada, lehna aqoon waafi ah, ilbaxnimo iyo ujeeddooyin mideysan oo ku saleysan Soomaalinimo.

Wasiirka ayaa u mahad celiyay dhamaan martisharaftii ka soo qeybgashay munaasabada gaar ahaan guddoomiyaha Aqalka Sare, wasiirkii hore ee Wasaaradda Waxbarashada, Guddiga arrimaha bulshada BFS, xubnaha ka socday EU iyo dhammaan kasoo qeyb galayaasha.

Munaasabada ayaa ugu danbeyntii waxaa ka qeybgalay culima’udiin Soomaaliyeed oo uu ka mid ahaa guddoomiyaha guddiga culimada Soomaaliyeed Sheekh Bashiir Axmed Salaad.

Xaqiijin/Sugid

XAQIIJIN

_______________________________________

Waxaan halkaan idinku xaqiijinayna in Jadwalka pageka Wasaaradda la soo galiyey iyo hadalka wasiirkuba saxyihiin iswaafaqsanyihiin jidwalkuna sidaas uu yahay loogu socon doono Haddii Allah ogolado.

 

Mahadsanidiin

 

Screenshot_20180520-200515_Pages Manager20180520_190644

OGAYSIIS DEGDEG AH

OGAYSIIS DEGDEG AH.

__________________________________________________

Dhamaan Kormeerayaasha iyo Ardayda Imtixaanka galaysa Waxaa la idinku war galinayaa In Imtixaanka maanta 20/05/2018
Uu BAAQDAY/ AAN LA GALAYN Roobaab ka da aayo Gobolka Banaadir iyo gobolo Kale awadeed.

Fadlan gaarsii Ardayda

Adigoo Isticmaal facebook pagekeena:

Ministry Education, Somalia Www.facebook.com/wwbSomalia

Mahadsanidiin

Imtixaan Mideysan

 

 

Ra’iisul Wasaaraha Soomaaliya Xasan Cali Kheyre ayaa maanta daah furay Imtixaanaadka mideysan,  ee Shahaadiga ah Dugsiga Sare oo maanta ay u fariisteen 27,600 oo arday.

Schoolka 15-ka May oo uu ka dhacayey imtixaanaadkaasi oo si weyn loo adkeeyey amnigiisa ayaa waxaa gaaray Ra’iisul wasaaraha dalka oo ay wehliyaan Guddoomiyaha gobolka Banaadir iyo Wasiirka Wxbarashada Soomaaliya.

Ra’iisul Wasaare Kheyre oo ka hadlay daah furka Imtixaanaadkaasi ayaa sheegay in waxbarashadu ay tahay qeybta ugu muhiimsan ee horumarka daka, in wax la bartana ay astaan u tahay dib u dhiska dalka.

“Waxaan u mahad celinayaa Aabayaashii iyo Hooyooyinkii ka soo shaqeeyey in caruurtooda ay soo gaarsiiyaan halkaan, Innagana ka dowlad ahaan waxaan ku dadaali doonaa insha allh si arday walbo uu fursad u heli lahaa”ayuu yiri Mudane Xasan Cali Kheyre.

Ra’iisul wasaaraha dalka ayaa sidoo kale u mahad celiyey cid waliba oo howshaan kasoo shaqeysay, gaar ahaana wasaaradda waxbarashada dalka.

“Waa Iftiin qaranimo Soomaaliyeed ay ka muuqato, Waa Horumar uu wadankeenu ku tilaabsanayo, waxeyna ahaan doontaa howlaha saldhiga u ah xukuumaddu iney ka shaqeyso”ayuu hadalkiisa sii raaciyey Ra”iisul wasaaraha Soomaaliya.

Magaalada Muqdisho iyo gobolada dalka qaar ayaa waxaa maanta ka bilowday Imtixaanka mideysan ee shahaadiga, kaasoo ah markii saddexaad ee Wasaaradda Waxbarashada ay qabato, tan iyo burburkii dowladdii Dhexe.

XARUMAHA IMTIXAANKA GOBOLKA BANAADIR

XARUMAHA IMTIXAANKA GOBOLKA BANAADIR
____________________________________________________
Wasaaradda Waxbarashada Hiddaha iyo Tacliinta Sare waxay shaacisay xarumaha Imtixaanadka lagu galayo 2017/18
Lifaaqa hoose waxaad ku Jira dhamaan xarumaha gobolka Banaadir guud kuwii hore loo shaaciyey iyo kuwa aan la shaacin iyo xarumaha Degmada Afgooye.
Waxaa sidoo kale lagu shaaciyey xogtaan barta Facebook Wasaaradda ………Ministry of Education, Somalia
  1. Xarumaha Gobolka Banadir Final
  2. Xarumaha Banaadir Dambe
  3. Afgooye

Mahadsanidiin

 

la wadaag ardayda kale Mahadsanidiin

 

Jadwalka Imtixaanka Fasalka 12aad 2018

JIDWALKA IMTIXAANKA QARANKA 2018

Wasaaradda Waxbarashada Hiddaha iyo Tacliinta Sare Waxay soo saartay Jadwalka Imtixaanka qaranka 2017/2018

fiiri lifaaqa hoose.

Jadwalka Imtixaanka 2018

Abaalmarinta Macallinka Soomaaliyeed

20171221_153625

Waxaa Wasaaradda Waxbarashada ,Hiddaha iyo tacliinta sare soo abaabushay tartanka abaalmarinta macallinka heer qaran kaasi oo ka qabsoomay xarunta Wasaaradda, waxaa si wadajir ah isaga kaashanayay Hey’ada EFASOM ,waxaa u tartamay ilaa 50 macallin iyagoo isuga soo hareen 10 macallin kuwaasi oo lala yeeshay waraaysi(interview) si loo kala reebo loona soo saaro 1 macallin oo loo doorto  macallinka ugu wanaagsan.

Waxaa ku guulaysatay  Marwo Fardowsa Ciise Axmed  waa gabadh  macallimad ah oo wax ka dhigta dugsi ka mid ah kuwa magaalada Moqdishu ,gabadhaasi oo aqoonteed iyo dhiiranaateedu soo jeedatay guddigii imtixaanka qaadaayay oo ka koobnaa sided xubnood.

Waxaa Wasiir ku xigeenka Wasaaradda Mr Faysal Cumar Guleed iyo Agaasimaha Guud Mr Xasan Maxamed Cali kalmado dhiiri galin ah ka jeediyeen munaasibada ,waxayna shahaado sharaf gudoonsiiyeen Fardowsa Ciise Axmed oo mutaysatay barnaamujkan taasi oo Wasaaraddu u aqoonsatay inay tahay macallimada ugu wanaagsan macallimiinta Somalia.

Intaasi ka dib waxay Hey’adda EFASOM iyadoo kaashanaysa Varkey foundation u diri doontaa Fardowsa bisha March 2018 wadanka isku taga imaaraatka carabta kaasi oo ay kaga qeyb gali doonto tartanka Macallimiinta Aduunka, hadii ay ku guulaysato tartanka aduunka waxay heli doontaa lacag dhan 1 Million Dollar,hadaba waxay Wasaaradda Waxbarashu dadaal dheeraad ah ku bixinaysaa inay dhiiri galin u samayso macallimiinta soomaaliyeed si ula jaan qaadaan Macallimiinta aduunka..

20171221_154921 20171221_152440 20171221_152438 20171221_150734

Waaxda Horumarinta Macallimiinta waxay soo qabanqaabisay tobabarku saabsan Macallinka iyo horumarinta nabadda.

 

 

Capture1

Aqoon-is-weydaarsiga waxaa kasooqaybgalay macallimiin ka kalasocday maamul goboleedyada, dalladaha, dugsiyada dawladda ee Banadir  ,kaasi oo ku saabsanaa baridda iyoku baraarujinta macalimiinta nabadda sidoo kale habka firfircoon ee barashada  isbeddelka uga qabqaadanayso. Sidaa darteed waxaa furay  aqoon is weydaarsiga wasiir ku-xigeenka Wasaaradda Waxbarashada Mr Fayal Omer iyo Agaasimaha Waxbarashada Macalimiinta ee SNU, Wasiir Kuxigeenka Wasaaradda Faysal wuxuu sheegay in tani ay tahay fursad wanaagsan oo macallimiinta Soomaalida ah ay qayb ka tahay barnaamijkan Dowladda Japan iyo daneeyayaasha kale ee dadaalkooda  ku muujiyay bixinta iyo fulinta tababarka macalimiinta ee dhisidda nabadda.       isagoo hadalkiisii sii wata wuxuu yidhi,waxaan  ku faraxsanaa qofkii helay fursadda ah in uu noqdo macalin isagoo ku dhiirrigelinaaya inay caawiyaan carruurta da ‘yar ee nugul kuwaas oo u baahan waxbarasho. Wuxuu xusay in Soomaaliya ay la tartameyso dalalka kale ee adduunka, wuxuu ka codsaday ka qaybgalayaashu in ay noqdaan kuwo si joogta ah oo firfircooni ku jirto ugana qaybqaata aqoon-isweydaarsiga 3-da maalmood oo si buuxda uga socon doono akaadamiyada cimlmiga.  ·         Wuxuu tobabarku soo gabogaboobay maanta oo arbaco ah dhamaan ka soo gabgalayaashu aad ayay ugu mahadceliyeen cidii fududaysay barnaamijkan waxayna balan qaadeen inay u gudbindoonaa macallimiinta la rabo in la gaaro oo ah 1,500 macallin. ·         Ugu danbayn waxaa soo gababgabeeyay masuuliyiinta wasaarada waxbarashada waxaana hadalo kala duwan ka jeediyay Agaasimaha Guud ee Wasaaradda Mr Xasan Maxamed Cali iyo Wasiir ku xigeenka wasaaradda Waxbarashada.

7 8 Capture2 Capture3 Capture4 Capture5 Capture6