Wararka

Wasiirka waxbarashada ayaa Kormeer ku tagay Akadamiyada cilmiga fanka iyo Suugaanta

Wasiirka Wasaaradda waxbarashada Hiddaha iyo tacliinta sare ee Soomaaliya  Mudane  Cabdulaahi Goodax Bare ayaa maanta kormeer ku tagay Akadamiyada cilmiga fanka iyo suugaanta  ee magaalada Muqdisho.

Mudane Cabdulahi Goodax Barre ayaa kormeeray  qeybaha ay ka kooban tahay Akadamiyadda cilmiga fanka iyo suugaanta.

Wasiirka waxbarashada xukuumadda federaalka Soomaaliya ayaa waxaa kormeerka ku wehelinayay ,gudoomiyaha Akadamiyada cilmiga fanka iyo suugaanta Cabduqaadir Nuur Xuseen (Maax).

Kulan wasiirka waxbarashada iyo  guddoomiyaha akadamiyadda ku dhaxmaray xaruntan ayaa looga hadlay, horumarinta akadamiyada iyo sidii dib u dayactir loogu sameyn lahaa.

Sidoo kale kulanka ayaa looga hadlay sidii dib loogu soo celin lahaa dhismayaal ka mid ah Akadamiyada oo ay dagan yihiin dad shacab ah.

Wasiirka wasaaradda waxbarshada hiddaha iyo tacliinta sare Mudane  Cabdulaahi Goodax Bare ayaa sheegay inay muhiim tahay horumarinta Akadamiyada cilmiga fanka iyo suugaanta islamarkaana qorshaha ay ugu jirto in dib u dayactir lagu sameyo dhismayaasha bur bursan.

“Waxaan qorsheyneynaa sidii loo horumarin lahaa Akadamiyadda  cilmiga fanka iyo suugaanta maadaam ay tahay  meel lagu sax afka hoyo iyo qorista afka soomaaliya waxa ay u baahantahay shaqooyin badan oo ay kamid tahay in dib loosoo celiyo dhismayaasha ka maqan iyo in dayactir lagu sameyo, ka wasaarad ahaan dadaal ayaan ugu jirnaa arintaasi”ayuu yiri wasiirka waxbarashada Soomaaliya Cabdulahi Goodax Barre.

Wasiirka waxbarashada xukuumadda federaalka Soomaaliya Mudane Cabdulahi Goodax Barre ayaa dadaal ugu jira sidii loo horumarin lahaa waxbarashada dalka, islamarkana dib u dhis loogu sameyn lahaa iskuullada iyo goobaha kale ee muhiim ah u ah waxbarashada.

Wasiirka waxbarashada XFS oo madax ka tirsan UNICEF kala hadlay horumarinta waxbarashada

Wasiirka waxbarashada xukuumadda federaalka Soomaaliya Mudane Cabdulahi Goodax Barre ayaa maanta xafiiskiisa magaalada Muqdisho ku qaabilay madax ka tirsan UNICEF.

Labada dhinac ayaa  ka wada hadlay mashruuca (Education Cannot Wait) oo loogu talo galay in lagu horumariyo tayada waxbarashadda dalka.

Wasiirka waxbarashada Mudane Cabdulahi Goodax Barre ayaa sheegay in warbixin uu ka siiyay xubnahan ka socday UNICEF xaaladda guud ee waxbarashada dalka iyo nidaamka xulashada macalimiinta dhigeysa manhajka cusub.

“Waxaan ka wada hadalnay  mashruuca (Education Cannot Wait) oo loogu talo galay in lagu horumariyo tayada waxbarashadda dalka,waxaan warbixin ka siiyay xaaladda guud ee waxbarashada dalka gaar ahaan  nidaamka xulashada macalimiinta dhigeysa manhajka cusub ee dhawaan ay qeybisay wasaaradda waxbarashada dalka”ayuu yiri wasiirka waxbarashada xukuumadda federaalka Soomaaliya Mudane Cabdulahi Goodax Barre.

Wasaaradda waxbarashada hiddaha iyo tacliinta sare ee xukuumadda federaalka Soomaaliya waxay dadaal ugu jirta sidii loo horumarin lahaa waxbarashada dalka.

Wasaaradda waxbarashada XFS ayaa sagootin u sameysay arday deeq Waxbarsho ka helay dalka Ethoipia

Wasaaradda waxbarshadda hiddaha iyo tacliinta sare ee Soomaaliya ayaa maanta magaalada Muqdisho munasaabad sagootin ah ugu sameysay 223 arday oo deeq waxbarsho ka helay  dowlada itoobiya.

ardaydan ayaa 46 kamid ah waxay diyaarin doonaan Darajada labaad eeMasterka , halka 177- Arday  ay diyaarinayaan heerka koowaad ee waxbarashada Jaamacadda, iyagoo baran doona kuliyadaha kala ahc Caafimaadka, beeraha , IT, Enjineerin, iyo kuwa kale.

Wasiiru dowlaha wasaaradda waxbarashada hiddaha iyo tacliinta sare ee xukuumadda federaalka Soomaaliya  Mudane Cabdi raxmaan Maxamuud Cabdulle Jaabir , Safiirka Dowlada Ethiopia u jooga Soomaaliya iyo Agaasimayaal ka socday wasaaradda waxbarshada XFS ayaa ka qeyb galay munaasabadda.

Safiirka Dowlada Ethiopia u fadiya Soomaaliya jamaaludiin Mustafa  ayaa sheegay in markasta ardayda Soomaaliyeed ay la garab taaganyihiin deeqaha waxbarasho,

“Markasta waxaan jecelnahay in ay Soomaaliya horumar gaarto waxaan jecelnahay in ardayda soomaaliyeed ee wax ku soo barta dalka Ethiopia ay sameyaan dadal dheeri ah jaamacaddaha dalka Ethiopia waa jaamacaddo qofka lagu barayo maadooyin adag sidaa darteen waan hubaa in ardayda soomaaliyeed ee wax ka baranaya dalka Ethiopia ay sameyn doonaan dadal dheeri ah”ayuu yiri danjiraha itoobiya ee Soomaaliya.

Wasiiro Dowlaha Wasaaradda waxbarshada XFS, Cabdi raxmaan Maxamuud Cabdulee jaabir  ayaa ardeyda kula dardaarmay inay  ka faa’ideystan deeqada waxbarasho ee la siiyay.

“Waa maalin farxadeed waxaan rabnaa in aan soo celino rajada dhalinyarada Soomaaliyeed,waxaad ku hesheen waxbarashada magaca jamhuuriyada federalka Soomaaliya waxaadna harsaneysaan oo aad ku tageysaan calanka baluuga ah,waxaa lagu keenay deeqdaan waxbarsho hishiis saaxiibtinmo  oo ay wada galeen labada dowladood Ethiopia iyo Soomaaliya,waxana ugu horeya waxbarashada caafimaadka amniga iyo habsami u socodka labada doowladood” ayuu yiri wasiiru dowlaha wasaaradda waxbarashada .

Wasaaradda waxbarashada xukuumadda federaalka Soomaaliya ayaa horey sidan oo kale deeq waxbarasho ugu dirtay ardey Soomaaliyeed dalalka Suudaan iyo shiinaha.

 

 

 

Wasiirka waxbarashada Soomaaliya oo kormeeray dhismaha cusub ee wasaaradda

Wasiirka waxbarashada hiddaha iyo tacliinta sare ee xukuumadda federaalka Soomaaliya Mudane Cabdulahi Goodax Barre ayaa maanta kormeer ku tagay dhismaha xarunta wasaaradda waxbarashada oo xiligan uu ka socdo dib u dhis.

Kormeerka wasiirka waxbarashada hiddaha iyo tacliinta sare Mudane Cabdulahi Goodax Barre ayaa waxaa ku wehelinayay ,taliyaha ciidamada Asluubta Soomaaliya S/Guud  Mudane, Bashiir Maxamed Jamaac, wasiir ku xigeenka wasaaradda waxbarashada Mudane Feysal Cumar Guuleed  iyo agaasimaha guud ee wasaaradda waxbarashada  Mudane, Xassan Maxamed Cali.

Wasiirka waxbarashada Mudane Cabdulahi Goodax Barre ayaa sheegay in wax lagu farxo ay tahay in injineerada dhisaya xarunta wasaaradda waxbarashada ay ka mid yihiin injineero ka tirsan ciidamada Asluubta Soomaaliya.

“Injineerada dhisaya xarunta wasaaradda waxbarashada xukuumadda federaalka Soomaaliya ayaa waxaa ka mid ah injineero ka tirsan ciidamada Asluubta taasina waa guul ay gareen ciidamada Asluubta”ayuu yiri wasiirka waxbarashada Mudane Cabdulahi Goodax Barre.

Mudane Cabdulahi Goodax Barre ayaa tilmaamay in arintan ay guul u tahay shacabka Soomaaliyeed islamarkana dhaqaalaha ku baxaya dib ugu soo noqonayo dowladda iyo shacabka Soomaaliyeed.

“Arinta waa mid guul u ah shacabka Soomaaliyeed maxaayeelay dhaqaalaha  ku baxaya wuxuu dib ugu soo noqonaya dowladda iyo shacabka,waxaan rajeyneynaa in dhawaan la soo gaba gabeyn doono dhismaha”ayuu intaasi raaciyay wasiirka waxbarashada Mudane Cabdulahi Goodax Barre.

Xarunta wasaaradda waxbarashada xukuumadda federaalka Soomaaliya  ayaa waxaa xiligan ka socda dib u dhis lagu sameynayo iyadoo dhawaan lagu wado in la soo gaba gabeeyo.

Kormeerayaasha iskuullada dowladda oo tababar loo furay

Magaalada Muqdisho ee caasimadda Soomaaliya ayaa waxaa maanta ka furmay tababar aqoontooda kor loogu qaadayo kormeerayaasha iskuuladda dowladda.

Furitaanka tababarkan ayaa waxaa goob joog ka ahaa  agaasimaha  ee wasaaradda waxbarashada Xassan Maxamed Cali, agaasimaha dugsiyada wasaaradda waxbarashada Muuse Caraale iyo Agaasimaha manhajka Maxamed Mukhtaar.

Tababarkan ayaa waxaa ka qeyb galay 58 kormeere kuwaasoo loogu talo galay inay la socdan buugaagta manhajka cusub ee dhawaan ay qeybisay wasaaradda waxbarashada xukuumadda federaalka.

Arrimaha kale ee lagu baran doono tababarkan ayaa waxaa ka mid ah hubinta xogta macalimiinta, si loo helo isla xisaabtan dhab ah.

Agaasimaha guud ee wasaaradda waxbarashada xukuumadda federaalka Soomaaliya  Mudane, Xassan Maxamed Cali oo daah furay barnaamijkan ayaa kula dardaarmay xubnaha ka qeyb galaya inay ka faa’ideystan.

“Dhamaantii waxaa la idinka rabaa inaad si dhab ah uga soo baxdan howsha la idin  xil saaray, islamarkana aad la socotan buugaagta manhajka cusub iyo sida loo qaadanayo, iyo hubinta macalimiinta”ayuu yiri agaasimaha guud ee wasaaradda waxbarashada  Mudane,Xassan Maxamed Cali.

Wasaaradda waxbarashada xukuumadda federaalka Soomaaliya ayaa dhawaan la soo wareegtay 24 iskuul oo ku yaalla gobolka Banaadir, iyadoo si lacag la’aan ah ay wax uga bartan caruurta Soomaaliyeed.

Wasiirka waxbarashada XFS oo daah furay mashruuc kor loogu qaadayo xirfadda farsamada gacanta

Wasiirka waxbarashada hiddaha iyo tacliinta sare ee xukuumadda federaalka Soomaaliya  Mudane Cabdulahi Goodax Barre ayaa maanta magaalada Muqdisho si rasmi ah uga daah furay mashruuc kor loogu qaadayo xirfadda farsamada gacanta.

Munaasabadda daah furka  barnaamijkan waxaa goob joog ka ahaa Wasiirka qorsheynta Soomaaliya Jamaal Maxamed Xassan, danjiraha Jarmalka, ee dalalka Soomaaliya, Kenya iyo Seychelles  Ambassador, Annett Guenther, wasiirka shaqada iyo arrimaha bulshada Saalax Jaamac,  guddoomiyaha gobolka Banaadir ahna duqa magaalada Muqdisho Eng Cabdiraxmaan Cumar Cismaan Yariisow, iyo  Xoghayaha wasaaradda waxbarashada Axmed Yuusuf Xassan.

Mashruucan ayaa waxaa ku baxaya lacag dhan 13, milyan oo Yuro, waxana sideed ka mid ah bixinaya midowga Yurub halka shanta kalana ay bixineyso dowladda Jarmalka.

“Maanta waxaan si rasmi ah u daah furay mashruuc loogu talo galay in lagu kobciyo aqoonta xirfadleyda  farsamada gacanta, mashruucan ayaa waxaa ku baxaya lacag dhan 13,milyan oo  Yuro sideed ka mid ah waxaa bixinaya midowga Yuru halka shanta kalana ay bixinayaan Jarmalka”ayuu yiri wasiirka waxbarashada hiddaha iyo tacliinta sare ee dalka.

Wasiirka waxbarashada xukuumadda federaalka Soomaaliya  Mudane Cabdulahi Goodax Barre ayaa sheegay in mashruucan uu soo saari , doonaa 3000 kun oo ruux, muddo gaban,  isagoo sheegay in laga hirgelin doono guud ahaan dalka gaar ahaan meelaha dadka ku badan yihiin.

“Mashruucan wuxuu ka hirgeli doonaa dhammaan gobollada dalka, qaasatan meelaha dadka ku badan yihiin,arintan waa mid wanaagsan islamarkana baahi weyn loo qabay, mashruucan hadii aan ku guuleysano, waxaa hirgeli doono mashaariic kale”ayuu yiri Mudane Cabdulahi Goodax Barre.

Wasiirka waxbarashada xukuumadda federaalka Soomaaliya Mudane Cabdulahi Goodax Barre ayaa maalin ka hor sidan  oo kale daah furay mashruuc lagu horumarinayo waxbarashada dalka.

Wasiirka waxbarashada Soomaaliya oo daah furay mashruuc lagu horumarinayo waxbarashada

Wasiirka waxbarashada hiddaha iyo tacliinta sare ee dalka  Cabdulahi Goodax Barre ayaa maanta magaalada Muqdisho ka daah furay mashruuca waxbarashada dalka kaasoo ay ku bixi doono  lacag dhan 33. 1 Milyan.

Wasiirka qorsheynta xukuumadda federaalka Soomaaliya Jamaal Maxamed Xassan, wasiir ku xigeenka wasaaradda waxbarashada Feysal Cumar Guuleed, agaasimaha guud ee wasaaradda waxbarashada Xassan Maxamed Cali, xoghayaha guud ee wasaaradda waxbarashada Axmed Yuusuf Xassan , xubno ka tirsan wasaaradda waxbarashada, iyo madax ka socota USAID, UNICEF iyo midowga Yurub ayaa ka qeyb galay kulanka.

Mashruucan ayaa socon doono muddo saddex sano ah oo ka bilaabaneysa sannadkan 2018-ka ilaa 2020-ka, waxaana maal gelinaya mashruuca Global Partnership for Education oo loo soo gaabsho (GPE) waxaana xiriirin doono midowga yurub.

Mashruucan oo ay ku baxeyso lacag dhan 33.1 milyan ayaa loogu talo galay in wax looga  qabto waxbarashada caruurta Soomaaliyeed sadexda sano ee soo socota. $5.6 milyan ka mid ah lacagta waxaa la siiyey Puntland, $9.6 milyan Soomaaliland halka $17.9 milyan kalana la siiyey Soomaaliya inteeda kale si wax looga qabto baahiyaha waxbarasho ee ka jira.

Wasaaradda waxbarashada xukuumadda federaalka Soomaaliya oo kaashaneysa wasaaradaha waxbarashada dowlad goboleedyada ayaa fulin doonta  barnaamijkan.

Barnaamijkan ayaa  xooga saari doonaa kor uqaadida tirada iyo tayada ka qaybgalka waxbarahada caruurta Soomaaliyeed, iyada oo uu barnaamijku ka shaqayn doono tayaynta macalinka, tayaynta dugsiyada dawlada/bulshada, xoojinta kormeerka, manhajka qaranka iyo xoojinta awooda maamul iyo fulineed ee dhanka waxbarashada ee dawlada gaar ahaan dawlad goboleedyada.

Wasiirka qorsheynta iyo dhiiri gelinta maalgashiga Mudane Jamaal Xasan ayaa  sheegay in dawlada ahmiyada labaad ay siisay  waxbarashada marka laga reebo  amniga maadaama waxbarashadu door muhiim ah ku leedahay ladagaalanka jahliga iyo amni xumada.

Rina Dhala oo ka socotay hey’ada USAID  ayaa tilmaamtay in waxbarashada  ay  lagama maarmaan utahay  yaraynta saboolnimada, dhisida bulsho nabadeed iyo kor u qaadista isku duubnida bulshada sidaa darteed ay mudan tahay in la taageero waxbarasada caruurta Soomaaliyeed.

Wasiirka waxbarashada hiddaha iyo tacliinta sare ee xukuumadda federaalka Soomaaliya  Mudane Cabdulahi Goodax Barre  ayaa sheegay in barnaamijkan uu gacan ka geysan doono abuurida jawi lagu gaarsiiyo waxbarasho tayo leh caruurta Soomaaliyeed.

Madaxda iyo shaqaalaha wasaaradda waxbarashada oo olole nadaafadeed ka sameeyay jidadka soo gala wasaaradda

Wasiir ku xigeenka wasaaradda waxbarashada  Hiddaha iyo tacliinta sare  ee xukuumadda federaalka Soomaaliya Feysal Cumar Guuleed  iyo shaqaalaha wasaaradda waxbarshada ayaa maanta  olole nadaafadeed ka sameeyay jidadka soo gala dhismaha wasaaradda waxbarashada ee magaalada Muqdisho.

Ololahan nadaafadda ayaa mid ah mid kor loogu qaadayo bilicda agagaarka dhismaha wasaaradda waxbarashada xukuumadda federaalka Soomaaliya.

Wasiirku xigeenka wasaaradda waxbarshada mudane Feysal Cumar Guuleed ayaa  shaqaalaha wasaaradda ku dhiri galiyay in maalin kasta oo khamiis ah ay  fuliyaan ololahan nadaafadeed eek or loogu qaaday bilicda.

“Ololahan nadaafadeed  waa mid muhiim ah oo u baahan in laga wada shaqeeyo dhammaanteen,waxaan idinku dhiri galinayaa in maalin kasta oo khamiis ah  sidan oo kale ololahan uga sameysan goobaha ku hareereysan dhismaha wasaaradda, si kor loog qaado bilicda”ayuu yiri wasiir ku xigeenka wasaaradda waxbarashada Soomaaliya.

Wasaaradda waxbarashada xukuumadda federaalka Soomaaliya ayaa marka laga soo tago inay dadaal ugu jirto horumarinta waxbarashada dalka door muhiim ah ka qaadaneysa dib u soo celinta bilicda caasimadda.

SAWIRRO :Wasiirka waxbarshada XFS oo la kulmay Xubno ka socday Shirkadda creative Associate  International.

Wasiirka waxbarashada xukuumadda Soomaaliya Cabdulahi Goodax Barre ayaa maanta xafiiskiisa magaalada Muqdisho ku qaabilay xubno ka socda  creative Associate  International) oo door muhiim ah ka qaadata  horumarinta waxbarashada iyo hal abuurka.

Kulanka ayaa looga hadlay siddii xubnahan ka socda creative Associate  International, ay wasaaradda waxbarashada xukuumadda federaalka Soomaaliya uga caawin lahayeen horumarinta waxbarashada dalka.

Xubnaha ka socda creative Associate  International, ayaa wasiirka waxbarashada Mudane Cabdulahi Goodax Barre u sheegay in howlo muhiim ah oo dhanka waxbarashada ay ka qabteen dalka.

Mudane Cabdulahi Goodax Barre ayaa sheegay in xubnahan ay ka wada hadleen sidii la iskaga kaashan lahaa arrimaha waxbarashada islamarkana creative Associate  International, ay door muhiim ah uga qaadan laheyd waxbarashada dalka.

“Waxaan maanta xafiiskeyga ku qaabilay xubno ka socda creative Associate  International oo kala ah Eileen st, George iyo maryam jinani, waxaan ka wada hadalnay arrimo ay ka mid tahay sidii wasaaradda waxbarashada ay gacan uga siin lahayeen horumarinta waxbarashada dalka, waana isku afgaranay”ayuu yiri wasiirka waxbarashada Soomaaliya.

Wasiirka waxbarashada hiddaha iyo tacliinta sare ee xukuumadda federaalka Soomaaliya Mudane Cabdulahi Goodax Barre ayaa u mahad celiyay xubnahan maanta soo booqday.

Wasiirka waxbarashada xukuumadda federaalka Soomaaliya ayaa muddooyinkii dambe kulamo la qaadanayay hay’addaha ka shaqeeya arrimaha waxbarashada isagoo kala hadlayay siddii door muhiim ah uga qaadan lahayeen horumarinta waxbarashada dalka.